Prokuroria e Monzës në Itali ka hapur një hetim për vdekjen e Davide Garufit, 21-vjeçarit TikToker, i cili kreu vetëvrasje më 19 mars në shtëpinë e tij në Sesto San Giovanni, në provincën e Milanos.
Mediat italiane bëjnë të ditur se hetuesit po shqyrtojnë bisedat, llogaritë sociale dhe celularin e tij, i cili sipas informacioneve dhe dëshmive fillestare ka qenë viktimë e bullizimit online dhe ofendimeve homofobike. Prandaj karabinierët nuk përjashtojnë përfshirjen e palëve të treta që mund ta kenë shtyrë Garufin të kryejë aktin ekstrem.
Vikitma kishte ndarë me ndjekësit e tij në rrjetet sociale, gjatë këtyre viteve, historinë e ndërrimit të gjinisë, nga Davide në Alexandra. Ky është një problem i zakonshëm për shumë të rinj që flasin për orientimin e tyre seksual në internet. Sipas hetimeve të para, ai kishte probleme familjare, vështirësi adoleshence dhe mosmarrëveshje me prindërit, që ishin përkeqësuar gjatë kohës që ai kishte filluar trajtimin hormonal për ndryshimin e seksit.
Pikërisht në këtë periudhë të vështirë filluan të shfaqen fyerjet e para homofobike nën postimet e viktimës. Siç doli nga informacionet fillestare dhe dëshmitë e një fqinji të cilit i kishte besuar viktima, Garufi vuajti shumë nga të gjitha mesazhet e urrejtjes dhe bullizimit që merrte në rrjetet sociale.
Garufi vrau jetën natën mes të mërkurës 19 dhe të enjtes 20 mars në shtëpinë e tij në Sesto San Giovanni. Ai qëlloi veten me pistoletën e shërbimit të babait të saj, i cili punon si roje sigurie. Dinamika e fakteve, për hetuesit, është mjaft e qartë, por hapja e dosjes për mosmbajtje të armës së zjarrit dhe për shtyrje në vetëvrasje është një akt i domosdoshëm për të vijuar autopsinë dhe hetimet përkatëse. Bisedat sociale dhe llogaria e Tiktok po shqyrtohen. Gjyqtarët kanë urdhëruar gjithashtu sekuestrimin e celularit për të verifikuar çdo kontakt të shpeshtë. Hetimet po fokusohet në gjetjen e palëve të treta që mund të kenë kontribuar në vetëvrasje, duke ushtruar presion mbi brishtësinë e viktimës dhe duke e nxitur atë të kryejë aktin.
