Superylli portugez Cristiano Ronaldo ka vendosur të bëjë një donacion për viktimat e tërmetit shkatërrues të 6 marsit që goditi Turqinë dhe Sirinë.
Ish- lojtari i Manchester United i prekur nga skenat tragjike, ka dërguar një avion të mbushur me ndihma për të ndihmuar të prekurit.
Legjenda portugeze ka paguar për transportin e tendave, pakove ushqimore, jastëkëve, batanijeve, shtretërve, ushqimit për fëmijë dhe qumështit, si dhe furnizimeve mjekësore për të ndihmuar përpjekjet humanitare në zonat e prekura të Turqisë dhe Sirisë.
Ky donacion vlerësohet në shumën e 350,000 dollarë.
Veprimi i fundit i bamirësisë së Ronaldos është duartrokitur nga fansat dhe ndjekësit e tij.
Por ka patur dhe nga ata që e kanë kritikuar për qasjen neglizhente që ai kishte në ditët e para të tërmetit dhe që e konsiderojnë këtë donacion si të vonuar.
Edhe ylli tjetër i fubollit, Lionel Messi, dhuroi 5 milionë euro nga pasuria e tij, për të prekurit nga tërmeti.
/s.f
