Një 39-vjeçar është arrestuar nga policia e Durrësit dhe dy të tjerë janë shpallur në kërkim, pasi akuzohen për veprën penale “Heqja e paligjshme e lirisë” dhe “Vjedhja”. Policia ka arrestuar shtetasin Denis Allarajn, 39 vjeç, banues në Domje, Tiranë, dhe shpalli në kërkim shtetasit Danjel Hoda, 40 vjeç dhe Dashamir Hoda, 40 vjeç, banues në Bathore, Tiranë, pasi në bashkëpunim me njëri-tjetrin, kanë mbajtur peng shtetasin M. Y., 31 vjeç, me pretendimin se i kishte borxh një shumë parash, si dhe i kanë vjedhur atij, një aparat celular.
‘Specialistët për Hetimin e Krimeve në Stacionin e Policisë Plazh arrestuan në flagrancë shtetasin D. A., 39 vjeç, banues në Domje, Tiranë, dhe shpallën në kërkim shtetasit D. H., 40 vjeç dhe D. H., 40 vjeç, banues në Bathore, Tiranë, për veprat penale “Heqja e paligjshme e lirisë” dhe “Vjedhja”, pasi në bashkëpunim me njëri-tjetrin, kanë mbajtur peng shtetasin M. Y., 31 vjeç, me pretendimin se i kishte borxh një shumë parash, si dhe i kanë vjedhur atij, një aparat celular.’- njofton policia.
g.kosovari
