Çështja e inceneratorëve ka hapur debat në emisionin “Opinion” ku u përfshi kryeministri Edi Rama. Gazetari Blendi Fevziu deklaroi se pronarët e inceneratorëve kanë marrë milionat e eurove dhe janë zhdukur.
Ndërkohë, Kryeministri Rama thotë se arratisja e tyre e rëndon pozitën në raport me drejtësinë.
Fevziu: Si mor shpjegohet që tre fëmijë marrin miliona euro dhe…
Rama: Këtë e thoni ju këtu, jo qytetarët. Qytetarët thonë këto, bravo për këto punë, haram për këto bëma. Kush ka bërë punën të mbajë bravën, kush ka bërë haramin, të marrë haraçin. Qytetarët duan të kenë drejtësi. Edi Rama nuk e paska kapur këtë reformën në drejtësi. Kjo është historike. Është historike që pas 500 vjetësh po fillon të ketë drejtësi. Nëse ti ke devijuar, bujrum se kemi punë
Fevziu: Ju jeni dashnor i mediave…
Rama: Unë jam dashnor i gjuhës shqipe, dhe i gruas time.
Fevziu: Si shpjegohet që këta njerëz që kanë marrë fonde publike me miliona, ska rëndësi 600 apo 400…
Rama: Cilët njerëz mo?
Fevziu: Pronarët e kompanive të inceneratorëve.
Rama: Nuk ka 600 milionë mor.
Fevziu: Janë për asgjësimin e plehrave, aq do shkojë fatura në fund.
Rama: Do shkojë fatura kur t’i të shkosh 95 vjeç.
Fevziu: Si shpjegohet që këta njerëz që marrin miliona, zhduken, nuk dalin në publik, kanë detyrim këta se po marrin para publike. Çfarë opinioni keni.
Rama: Janë për të keqen e tyre. Unë kam një opinion, unë nuk shoh këtu. Unë shoh pak më larg. Ju mbyteni këtu tek filxhani i kafes. Unë e shoh këtë punë kështu./m.j
