Alvaro Morata ka ftuar Gareth Bale që t’i bashkohet Manchester Unitedit.Sulmuesi i Real Madridit, Alvaro Morata pritet që javën e ardhshme të nënshkruaj me skuadrën e madhe angleze, Mancehster United.
Ai do të nënshkruaj kontratë pesë vjeçare, ndërsa skuadra spanjolle do të përfitojë 70 deri në 90 milionë euro nga shitja e tij.
Por, Morata nuk dëshiron që i vetëm të transferohet në Old Trafford, pasi ai ka ftuar edhe një yll tjetër të Realit.Sipas Don Balon, Morata ka ftuar Gareth Bale që të largohet nga Reali dhe së bashku me të, të transferohet në United.
Bale ka humbur vendin në formacionin e parë të Realit, pasi trajneri Zinedine Zidane tashmë vendin titullar ia ka besuar spanjollit, Isco Alarcon.
Uellsiani më herët ka nënshkruar kontratë deri në vitin 2022 me Realin dhe ka thënë se është i lumtur në Santiago Bernabeu, përgatiti ”Express”. (b.an)
