Monza e Berlusconi-t, Galliani-t dhe Brocchi-t mund të kthehet në një serial televiziv në Netflix.
Ngjitja historikë në Serinë B e klubi dhe ambiciet e mëdha për të arritur në Serinë A, duket se kanë shtyrë kolosin të realizojë një film dokumentar me të vërtetë special.
Ashtu siç ka ndodhur me “Sunderland ‘Til I Die’”, edhe përralla e Monza-s mund të rrëfehet në tv. Ngjitja nga Seria C në Serinë B mund të kthehet në një serial televiziv falë historisë së veçantë të klubit në pronësi të Silvio Berlusconi-t.
Sipas Tuttomonza.it, kolosi Netflix mund të realizojë atë që quhet një doku-film si ai i prodhuar për Sunderland-in në Angli.
Për momentin projekti është akoma vetëm një ide, por mund të marrë formë në muajt e ardhshëm, gjatë kampionatit të Serisë B.
Një ngjitje e mundshme e dyfishtë historike do ta bënte të sigurt realizimin e projektit.
Monza, në fakt, nuk ka qenë kurrë në Serinë A dhe arritja e mundshme e objektivit do të meritonte të rrëfehej dhe të kujtohej.
Një serial do të ishte perfekt…
telesport.al
