Monumenti Skënderbeut, vajza e ​skulptorit Odise Paskali humb gjyqin me shtetin

Shteti nuk ka riprodhuar veprën “monumenti i Skënderbeut” të skulptorit Odise Paskali gjatë prodhimit të pasaportave biometrike. Është ky vendimi i Gjykatës Civile të Tiranës e cila pak ditë më parë ka rrëzuar padinë e vajzës së skulptorit për një dëmshpërblim monetar në vlerën e dëmit prej 1.86 miliard lekë.

 Ky gjyq zgjati prej dy vitesh dhe pas 31 seancash gjyqtarja Brunilda Kadi rrëzoi padinë e Florjana Paskalit vajzës dhe trashëgimtares së Skulptorit. Paskali e ka ankimuar tashmë këtë vendim dhe pritet që Gjykata e Apelit të vendosë për fatin e padisë që kërkoi dëmshpërblimin. Sipas gjykatës, shteti nuk ka riprodhuar skulpturën, por ajo është përdorur si kopje në letër për një dokument për të gjithë shqiptarët, nuk ka pasur përfitim ekonomik nga përdorimi i kësaj pamje si dhe për skulpturën e pretenduar Odise Paskali ka qenë në bashkautorësi dhe me ish artistë të tjerë.

ma.me