Trajneri i Milanit, Vincenzo Montella pas fitores ndaj Bolognas është shprehur shumë i lumtur për shpirtin e ekipit të tij të treguar në fushë.
Milani arriti të marrë pikët e plota edhe pse mbeti me dy lojtarë më pak në fushë, pas përjashtmit të Gabriel Palettas dhe Juraj Kuckas, transmeton Koha.net.
Por, ishte goli i Mario Pasaliçit në minutën e 89 që i dha fitoren Milanit.
“Ishte shumë e vështirë të kontrollosh emocionet pas një ndeshje të këtillë. Është një fitore e madhe që vlen më shumë se tre pikë, pasi kjo vërteton se ky ekip ka shpirt.
Kishim nevojë që t’i dëshmojmë vetes se kemi këtë shpirt, dhe ishte një fitore e arritur me përkushtim të pastër”, është shprehur Montella për Sky Sport Italia, citohet Koha. (b.an)
