Policia në Qipro ka njoftuar se ka arrestuar një person nën dyshimin për vepra të lidhura me terrorizmin dhe spiunazhin.
Ai u paraqit para një gjykate rajonale të shtunën, e cila urdhëroi mbajtjen e tij në paraburgim për tetë ditë, ndërsa vazhdojnë hetimet. Për arsye të sigurisë kombëtare, policia nuk dha detaje të mëtejshme.
Megjithatë, agjencia Reuters citoi disa media qipriote që raportuan se i dyshuari ishte arrestuar në lagjen Zakaki, pranë qytetit bregdetar të Limassolit.
Agjencia qipriote e lajmeve ANT1 njoftoi se personi dyshohet se ka kryer survejime ndaj bazës ajrore britanike RAF Akrotiri, si dhe bazës ajrore qipriote Andreas Papandreou në rajonin perëndimor të Pafosit, që nga mesi i prillit.
