Gati 20 vjet nga skandali seksual, që përfshiu presidentin e atëhershëm të SHBA-ve, Bill Clinton, Monica Lewinsky duket se është në bisedime për të nënshkruar një kontratë për reality-n, “I’m A Celebrity … Get Me Out Of Here!”.
Nga njëra xhiungël, ajo e “Sexgate”-it, tek ai i “show”-t britanik të ITV-së, një farë “Ishulli i të Famshëmve Vip”, ku disa yje të artit dhe spektaklit jetojnë bashkë në xhungël dhe në fund fituesi merr trofeun e mbretit apo mbretëreshës.
Ish-punonjëses së Shtëpisë së Bardhë, tashmë 45 vjeçe, i është ofruar një shumë e konsiderueshme për të marrë pjesë në ‘reality’ dhe Lewinsjy, e cila në këto vite ka refuzuar mundësi të panumërta televizive dhe tani ka një platformë ku flet për bulizmin në epokën digjitale, ka pranuar, edhe para së gjithash në bazë të një ofertë të mirë ekonomike, për të marrë në konsideratë pjesëmarrjen e saj në spektakël.
Monica ishte 22 vjeçe kur shpërtheu skandali “Clinton”. Më 17 gusht 1998, presidenti i Amerikës, rrëfeu para një jurie të madhe se “kishin pasur marrëdhënie fizike të përbashkëta” me punonjësen e tij, pastaj iu drejtua edhe popullit amerikan, duke pranuar se kishte “mashtruar kombin” me këtë marrëdhënie. Duke dalë nga vëmendja, pas skandalit, Lewinsky i është kthyer jetës publike në vitin 2014, duke shkruar një libër dhe shndërruar në një aktiviste anti-bulizëm, përgatiti “Shqip”. (b.an)
