Një tregtare e cila po pushonte teksa pinte një cigare ka pasur një kontakt të ngushtë me një nga gjarpërinjtë më vdekjeprurës në botë, pasi i ka rrëshqitur nën këmbët e saj.
Daily Mail raporton se ngjarja e frikshme ndodhi në Australi, ndërsa Ayla Manson po thithte cigaren e saj, ajo ruajti qetësinë e saj teksa gjarpri jashtëzakonisht helmues kalon pranë saj.
Një kolege filmoi momentin e tmerrshëm, kur gjarpri lëvizte pikërisht nën këmbët e saj.
Në momentin që ajo e pa, ishte tepër vonë për t’u larguar.
“E dija që në atë moment, gjëja më e sigurt ishte të qëndroja pa lëvizur. Sikur të kisha panik dhe të ngrihesha, do të ishte përpjekur të mbrohej dhe do të isha në rrezik nga një pickim”, u shpreh ajo.
Ajo tha se beson se gjarpërinjtë – madje edhe gjarpërinjtë vdekjeprurës ngjyrë kafe – nuk janë natyrshëm agresivë dhe reagojnë vetëm nëse njerëzit i trembin.
Bashkëpronari i kompanisë tha se ata ndanë pamjet për të ndihmuar në rritjen e ndërgjegjësimit se si të trajtojnë situatën, nëse gjenden në një të ngjashme.
