Transmetohet momenti i arrestimit të biznesmenit fierak të identifikuar nga mediat greke si Arjan Senaj. Ai u kap së bashku me një biznesmen grek me 20 kg kokainë. Në deponimet e tij në Polici, biznesmeni grek ka deklaruar se shqiptari me emrin “Arjan” ishte koka e rrjetit të trafikut të Kokainës nga Kolumbia në Greqi.
Biznesmeni në Shqipëri zotëron kompani të tregtimit të gazit dhe firmë ndërtimi, por policia dhe prokuroria dyshojnë se ai merret dhe me aktivitet kriminal, kryesisht në trafikun e drogës. Senaj rezulton i dënuar në Shqipëri për “Armë mbajtje pa lejë”. Ditën e djeshme si dhe katër persona të tjerë me urdhër të hetuesit dhe prokurorit të dosjes, janë lënë në kushtet e paraburgimit.
Biznesmeni i njohur në Triakala të Greqisë, 61 vjeçari Thanasios Karatzounis i arrestuar në këtë çështje, ka pranuar të bashkëpunojë me drejtësinë helene,duke pohuar se ishte gabuar kur kishte pranuar për të fshehur 20 kg kokainë në banesën e tij.
Por biznesmeni ka këmbëngulur se kujtonte se bëhej fjalë për hashash. Ndërsa gjatë marrjes në pyetje biznesmeni Shqiptar ka mohuar çdo lidhje me këtë grup kriminal, duke pretenduar se ai është një biznesmen që përfaqëson një kompani tregtare gazi dhe nuk ka nevojë ekonomike të merret me trafik droge, pasi thotë se ka shumë para.
Ai ka këmbëngulur se me biznesmenin grek Thanasios Karatzounis ka pasur kontakte, por vetëm se ai kërkonte nga Greku që ai ta ndihmonte për të lidhur disa kontrata shitje-blerje të gazit me kompani të njohura Greke. raport.tv/ma.me
