143 pasagjerë të një avioni të nisur nga aeroporti “Nënë Tereza” në Rinas, për në Milano kanë përjetuar momente paniku.
Avioni u detyrua të bëjë ulje të detyruar pas një defekti, rreth orës 18.30 të një dite më parë.
Për shkak të avarisë së krijuar, avioni u detyrua të bëjë ulje emergjence në aeroportin e “Raffaello Sanzio në Falconara”, në Ancona të Italisë.
Piloti i avionit për të shmangur ndonjë tragjedi, mendoi të ulej para kohe. Fatmirësisht nga kjo situatë nuk pati asnjë të lënduar, përveç panikut të krijuar në bord.
Avioni u nis sërish, por pa udhëtarët, të cilët qëndruan të gjithë në Ancona./a.m.
