Administratori i kompanisë DIA, Kastriot Ismailaj i hodhi poshtë akuzat për pastrim parash, ndërsa deklaroi se nuk do të tërhiqet nga gjyqi në arbitrazh.
Në seancën e sotme në Gjykatën e Krimeve të Rënda, Ismailaj tregoi se si i kishte lëvizur paratë për të cilat akuzohet nga prokuroria se i ka pastruar.
“Nuk i kam sjellë me çanta, siç pretendon prokuroria, por me anë të bankave.
I transferova në Adriatic Development Corporation nga shoqëri të tjera që janë jashtë vendit dhe janë në pronësi timen. 6 prej këtyre shoqërive të mia janë në Zvicër.
I kam pasur në banka të mëdha në botë. Po të kishte pastrim parash, do të m’i kishin bllokuar këto banka”tha ai.
