Pas vizitës dhe axhendës me takime të ngjeshura që pati në Tiranë, përfaqësuesja e lartë e BE, Federica Mogherini ka vlerësuar Shqipërinë për rolin e saj në NATO dhe rajon, duke mos kursyer lëvdatat për ministrin e Jashtëm, Ditmir Bushati.
“Shqipëria është tani një anëtar i respektuar i komunitetit ndërkombëtar – në saje edhe të një ministri të Jashtëm të shkëlqyer – ajo është një anëtar i NATO-s, është një lojtar i rëndësishëm në këtë rajon me përgjegjësitë e saj që duhet të ushtrohen me mençuri me respekt dhe qasje konstruktive”- thekson Mogherini në fjalën e mbajtur në Universitetin e Tiranës.
