Shefja evropiane e Bashkimit Evropian, Federica Mogherini, do të shkojë javën e ardhshme në Rusi, ku nuk ka vajtur asnjëherë deri tani për shkak të tensioneve me Moskën për krizën ukrainase.
Vizita e saj në Rusi, më 24 prill, do të mbyll një turne në të cilën do të vizitojë Kinën dhe Indinë duke filluar nga 19 prilli.
“Në Moskë, përgjegjësja e lartë e BE-së për Punët e Jashtme do të takohet me shefin rus të diplomacisë, Sergei Lavrov për të biseduar për çështje urgjente të politikës së jashtme, në veçanti konflikti në Siri”, njoftojnë shërbimet e saj për shtyp.
Njoftimi i kësaj vizite vjen në momentin ku sekretari amerikan i Shtetit Rex Tillerson gjendet në Moskë në një kontekst tensionesh të larta pas sulmit kimik të dyshuar të 4 prillit në Siri, që Uashingtoni iu përgjigj me një sulm kundër një baze ajrore siriane./a.m.
