Suksesi i Shqipërisë do të ishte një sukses për të gjithë Bashkimin Evropian. Kështu shkruan Përfaqësuesja e Lartë për Politikën e Jashtme në BE Federika Mogherini pas vizitës zyrtare në Shqipëri. Sipas saj marrëdhëniet midis vendit tonë dhe BE-së në procesin e integrimit, varen nga reformat e rëndësishme, ndër të cilat Mogherini thekson domosdoshmërinë e reformës në drejtësi.
“Kam kaluar dy ditët e fundit mes Tiranës, Parisit dhe Rabatit. Turneu ka filluar të enjten nga Shqipëria: Aty iu drejtova Parlamentit për të ardhmen e marrëdhënieve të vendit me Evropën, e cila varet shumë në aftësinë e institucioneve shqiptare për të kaluar reforma të thella – duke filluar nga reforma gjyqësore”, shkruan Mogherini.
Ja çfarë shkruan më tej ajo më tej në www.federicamogherini.net:
“Këto reforma nuk bëhen për hir të Brukselit, por për qytetarët e Shqipërisë. Kjo është ajo që kam diskutuar me presidentin Bujar Nishani, kryeministrin Edi Rama, ministrin e jashtëm Ditmir Bushati, kryetarin e Kuvendit Ilir Meta dhe anëtarët e opozitës. Suksesi i Shqipërisë mund të ishte një sukses për të gjithë Bashkimin Evropian, për shkak se nevoja jonë për bashkëpunim rritet nga dita në ditë: për sigurinë dhe terrorizmin, në parandalimin e radikalizimit, stabilizimin e Ballkanit, menaxhimin e flukseve të refugjatëve të cilët janë të ikur nga lufta në Siri”,- thotë Federica Mogherini.
