Luka Modric do të vazhdojë aventurën e tij me kombëtaren kroate.
Ishte vetë Federata e Futbollit në Kroaci që konfirmoi gjithçka përmes një postimi në rrjetet sociale teksa bën të ditur se mesfushori i Milanit do të jetë pjesë e skuadrës për ndeshjet e Nations League kundër Çekisë, Spanjës dhe Anglisë.
‘Kapiteni i Kroacisë, Luka Modric do të jetë pjesë e skuadrës kombëtare për sfidat e Nations League ndaj Çekisë, Spanjës dhe Anglisë-theksohet në postimin e Federatës Kroate të futbollit-Modric i konfirmoi trajnerit Slaven Bilic dhe presidentit Marijan Kustic disponibilitetin e tij për Nations League dhe është gati të vijojë karrierën e tij me skuadrën kombëtare më të cilën ka zhvilluar 202 ndeshje dhe ka shënuar arritje historike’.
Edhe vetë trajneri Slaven Bilic është shfaqur shumë i kënaqur për vendimin e marrë nga Luka Modric për të vijuar të jetë pjesë e skuadrës përfaqësuese të Kroacisë.
‘Sigurisht që vendimi i Luka më bën shumë të lumtur, të gjithë jemi të vetëdijshëm se çfarë i sjell Kroacisë, brenda dhe jashtë fushe-tha Slaven Bilic-mezi po pres të punoj sërish me të pas 14 vitesh dhe që të dy kemi ambicien që të mbajmë Kroacinë në majën e futbollit, si një skuadër të suksesshme, krah për krah me skuadrat më të mira të botës’.
