Luisa Kremleva është modele ruso-spanjolle, ndaj së cilës është lëshuar urdhër arrest nga gjykata spanjolle për mashtrim. Në vitin 2017, ajo denoncoi mbrojtësin francez të Milanit, Theo Hernandez duke u shprehur se kishte abuzuar seksualisht me të në një klub nate në Marbela të Spanjës.
Në atë kohë, ajo publikoi edhe disa foto me hematoma në fytyrë dhe në duar, të cilat pretendonte se ishin shkaktuar nga futbollisti francez kur të dy ndodheshin në makinë. Pavarësisht akuzës së rëndë, policia nuk e arrestoi futbollistin, përkundrazi, çështja u arkivua.
Pas denoncimi të Kremlevas dolën në dritë informacione të tjera, sipas të cilave modelja kishte bërë edhe tre denoncime të tjera të ngjashme për dhunë seksuale për tre persona të tjerë në të njëjtin stacion policie. Agjentët e policisë dolën në përfundimin se Luisa kishte kontradikta në deklarimet e saj, duke vërtetuar se akuzat ishin të rrema.
Por sot, Gjykata e Marbelas i hodhi poshtë akuzat duke e cilësuar një mashtrim dhe lëshoi mandat-arrestin.
g.kosovari
