Një zjarr ka përfshirë gjatë orëve të para të mëngjesit një automjet në Lungomaren e Vlorës.
Flakët kanë përfshirë një automjet të tipit Benz i cili ka marrë flakë pikërisht pasi drejtuesi i tije ka parkuar mjetin.
Flakët kanë përfshirë madje dhe makinën ngjitur Benzit, një mjet të tipit Opel. Fatmirësisht nuk ka të lënduar dhe mendohet se shkak i shpërthimit të flakëve ka qenë një shkëndijë elektrike.
NJOFTIMI I POLICISE VLORE
Më datë 07.09.2017, rreth orës 03:35, në Sallën Operative Vlorë ka ardhur një telefonatë se në aksin rrugor Skelë-Ujë i Ftohtë, në Lungomare janë djegur dy automjete.
Policia ka shkuar menjëherë në vendngjarje dhe ka konstatuar pjesërisht të djegur në pjesën e përparme, dy automjete të parkuara, një tip “ Mercedes Benz”, në pronësi të shtetasit F.D., dhe mjetin tip “Opel”, në pronësi të shtetasit E.R..
Nga djegia e automjeteve nuk ka persona të lënduar.
Nga veprimet e para hetimore ka rezultuar se vatra e zjarrit është shkaktuar nga një shkëndijë elektrike në mjetin Benz të sapo parkuar në të cilin ka qenë prezent edhe drejuesi i tij dhe për pasojë ka marrë flakë edhe mjeti tjetër i parkuar./a.m.
