Një automjet ka marrë flakë pak minuta më parë në brendësi të tunelit të Kalimashit në rrugën e Kombit.
Ky incident ka sjellë ndërprerje e qarkullimit të automjeteve në tunel. Nga tuneli ka dalë një shtëllungë e madhe tymi e cila ka alarmuar qytetarët.
Zjarrfikësit kanë shkuar në vendin e ngjarjes dhe kanë ndërhyrë për të fikur makinën e djegur.
Shkak i shpërthimit të flakëve ka qenë një defekt teknik në makinë. Fatmirësisht nuk ka asnjë të lënduar nga incidenti./a.m.
