Një aksident ka ndodhur sot në qendër të Korçës, ku një automjet ka përplasur një këmbësor. Ngjarja ndodhi para pak minutash pranë shëtitores ‘Fan Noli’.
“BalkanWeb” raporton se këmbësori ishte duke kaluar rrugën gjatë momentit që është përplasur nga automjeti, ndërkohë që ende nuk dihet identiteti i tij.
Fill pas ngjarjes i plagosuri është transportuar me urgjencë në spitalin e Korçës, ndërsa nuk dihet ende gjendja e tij. Aktualisht policia po heton lidhur me zbardhjen e shkaqeve të aksidentit.
