Një aksident ka ndodhur paraditen e sotme në autostradën Tiranë-Durrës. Një makinë me targë AA286EY ka humbur kontrollin dhe pasi është përplasur me bordurën është përmbysur në mes të rrugës.
Ngjarja ka ndodhur rreth orës 11:00 në afërsi të Maminasit. Fatmirësisht drejtuesja e mjetit shtetësia me inicialet N. M, 31 vjeç, banuese në Tiranë dhe pasagjeri A.D, 32 vjeç, kanë pësuar lëndime të lehta.
Ata janë dërguar në spitalin e Durrësit, dhe ndodhen nën kujdesin e mjekëve, jashtë rrezikut për jetën.
Aksidenti ka ndodhur në një orë kur trafiku i mjeteve në autostradë është relativisht i lartë, por fatmirësisht nuk ka pasuar me probleme të tjera.
Në fotot e siguruara nga “BalkanWeb” shfaqet makina e përmbysur në mes të rrugës, dhe mjetet e tjera që ndodhen pranë saj në vështirësi për të lëvizur.
Në vendngjarje kanë mbërritur edhe forcat e policisë dhe kanë nisur hetimet për shkaqet dhe rrethanat e aksidentit.
