Një aksident i rëndë me pasojë plagosjen e tre personave ka ndodhur mbrëmjen e kësaj të shtune në aksin rrugor Kuçovë-Ura Vajgurore.
Mes të plagosurve raportohet se janë dy punonjës të qarkullimit rrugor dhe një tjetër shtetas.
Aksidenti ka ndodhur në vendin e quajtur “Meteor” ku është përplasur një mjet tip Volkswagen me mjetin e policisë të qarkullimit rrugor, për pasojë të dy mjetet kanë rënë në kanal.
Si pasojë janë dëmtuar dy efektivë të policisë rrugore A.V dhe M.B si dhe drejtuesi i mjetit tip Volkswagen shtetasi E.Sh.
Fatmirësisht të tre të lënduarit janë jashtë rrezikut për jetën. Ata janë transportuar në spital ku po marrin ndihmën e nevojshme mjekësore./a.m.
