Ermal Pashaj, një nga 30 mjekët dhe infermierët që shkoi vullnetar në Itali për të ndihmuar në betejën kundër koronavirusit, ka zbuluar në OPEN detaje nga pritja atje.
Ermali tha për OPEN se iku në Itali pa i treguar familjes, pasi do kishte qenë shumë e vështirë përballja me ta.
“Nuk u thashe prindërve që po shkoj në Itali, e dija se do përballesha me vështirësi me ata. Ky është vendimi im. Kjo është jeta ime. E mora vendimin pa menduar për riskun, por për sikletin tek njerëzit tanë të dashur”, tha ai.
Pjesë nga biseda:
Mjeku: U bënë 48 orë. Këto kohë po organizohemi dhe po njihemi me strukturat. Unë vij nga qyteti i Tiranës, kam bërë dy fakultete të stomatologjisë dhe mjekësisë. Kam patur një lidhje të afërt me popullin Italian dhe kam eksperienca punë atje. Këto mësazhet falenderuese na bëjnë të ndihemi mirë, por edhe na hutojnë se nuk jemi mësuar me vëmendje.
Eni Vasili: Atje të rrezikohet jeta? Si e more vendimin
Mjeku: Nuk u thashe prindërve që po shkoj në Itali, e dija se do përballesha me vështirësi me ata. Ky është vendimi im. Kjo është jeta ime. E mora vendimin pa menduar për riskun, por për sikletin tek njerëzit tanë të dashur.
Eni Vasili: A do bëni provim?
Mjeku: Një pjesë e jona kanë studiuar në universitete italiane dhe jemi të licencuar për të punuar në Itali. Ka një pjesë që nuk është. Ne do japim ndihmë, nuk është se do bëjmë mrekullinë. Këtu kërkohet ndihmë në vijën e parë. Po shihen vetëm mundësitë ku secili përshtatet më mirë.
