Mjeku Tritan Kalo me një status në FB i ka këshilluar qytetarët që të vijojnë të respektojnë masat pasi fitorja e Shqipërisë ndaj COVID-19 është ende larg.
Po ashtu Kalo ka vënë re se qyetarët abuzojnë me orët e liri- daljes dhe shprehet se të thyhet zemra kur sheh udhët e Tiranës të zhurmojnë.
Kalo i thotë qytetarëve të dëgjojnë vetëm këshillat e specialistëve dhe jo të ”gjithologëve” dhe po ashtu i shpreh dashurinë atyre, por fillimisht sipas mjekut duhet të doni veten më shumë.
STATUSI I TRITAN KALOS
DURIM, durim dhe vetëm durim…..PËRSËRITJA mbetet mama e dijes, dhe aspak baba e mërzitjes….Jemi ende larg së të thirrurit FITORE….Vetëizolimi, distancimi fizik, higjena vetjake dhe ajo kolektive, ushqimi, ajrimi i mjedisive tona, rehidrimi po fillojnë të na shpërblehen, POR me orët e “liridaljes” nuku duhet abuzuar….UDHËT e Tiranës zhurmojnë dhe t’a thyejnë pak zemrën ku sheh pamje si më poshtë…..Në spital me infermjeret tona duararta e fjalëpakë të Pavjonit të parë, Mirën e Lulin si dhe me Agimin, i cili po përballet me Sars-Coc2/Covid-19 dhe këmbëngul që të bëjmë një foto së bashku….Fjalët në mesazhin e tij që bashkëshoqërojnë foton me të, janë prekëse dhe përmbajnë shumë mirënjohje: “Më bërë ta shijoj këtë shkëlqim dielli në dritaren time. Përqafime me mirënjohje të thellë.”…. DËGJONI vetëm këshillat e specialistëve dhe jo ato të gjithologëve, për të mirën e shëndetit tuaj fizik dhe mendor….JU DUAM shumë, POR edhe ju duhet të doni më shumë veten tuaj, si dhe të respektoni përkushtimin e punën tonë….BASHKË ME SIGURI do ja dalim mbanë!!!
