Departamenti i Epidemiologjisë dhe Kontrollit të Sëmundjeve Infektive në bashkëpunim me OBSH organizuan një trajnim për përcaktimin e saktë të infeksioneve lidhur me kujdesin shëndetësor në bazë të përkufizimeve të rasteve sipas OBSH dhe BE. Në trajnimin me temë “Trajnim për studimin e prevalencës së infeksioneve spitalore në kujdesin shëndetësor dhe përdorimin e antibiotikëve në spitalet e kujdesit shëndetësor” morën pjesë 25 infermierë, mjekë e specialistë të fushave të tjera të mjekësisë.
Gjatë trajnimit u mësua mënyra e leximit të kartelave mjekësore për të bërë të mundur mbledhjen e informacionit të duhur për të zbuluar praninë e infeksioneve, por edhe përdorimin e antibiotikëve. Trajnimi ishte një gërshetim i pjesës teorike, ku përfshiheshin përkufizimet e rasteve, formularët e pacientëve, mënyra se si duheshin plotësuar ato, përcaktimi i roleve për kryerjen e studimit, etj.
Në pjesën praktike janë përdorur raste klinike për situata të ndryshme dhe për secilin rast janë përdorur plotësimi i formularëve përkatës sipas situatës.
g.kosovari
