Një pacient, në mënyrë të pabesueshme, është ringjallur pavarësisht se zemra e tij ndaloi së funksionuari për 18 orë.
Francezi, identiteti i të cilët nuk është bërë i ditur, arriti të mbijetonte për shkak se sulmi në zemër ndodhi kur ai ishte jashtë dhe pësoi hipotermi, gjë që shkaktoi që temperatura e tij trupore të binte.
53-vjeçari u ringjall pasi u gjet i vdekur pranë një lumi por truri i tij nuk ishte dëmtuar, raporton Daily Mail.
“Ekipi mjekësor u habit, mundësia e mbijetimit të tij ishte zero,”-tha Jonathan Charbit, mjek në Spitalin Universitar të Montpellierit në Francën jugore. Ai pretendoi se pacienti arriti të mbijetonte për shkak se rënia e temperaturës së trupit i mbronte organet e tij.
Kur kuptuan këtë gjë mjekët provuan ta ringjallnin. Ata i bënë masazh në zemër për më shumë se 4 orë dhe e vendosën në një paisje për zemrën dhe mushkëritë, derisa temperatura e tij e trupit u rrit mjaftueshëm për mjekët që të bënin një përpjekje të fundit e të sukseshme për të vendosur në funksion zemrën e tij.
Burri pësoi atak në zemër ndërsa po kthehej në shtëpi në Beziers. Kur nuk u kthye në shtëpi të afërmit filluan ta kërkonin dhe e gjetën pranë lumit pa ndjenja./oranews
a.ç
