Mjekët në rrethe, shpërblim 100.000 lekë në muaj
Ka hyrë në fuqi vendimi për trajtimin financiar shtesë të mjekëve specialistë që pranojnë të punojnë në spitalet rajonale ku ka mungesë të personelit. Trajtimi financiarë i miratuar për këta mjekë është në vlerën e 100.000 lekëve.
Ministri i Shëndetësisë ka të drejtë që të urdhërojë kontraktimin jo më shumë se 200 mjekëve në vit, për një periudhë të caktuar kohore. Prof. Dr Isul Kalo e vlerson si një reagim imediat, trajtimin financiar të specialistëve por sipas tij duhet të diskutohet një platforëm për të dhënë një zgjidhje konkrete për situatën.
Në total numri i të punësiuarve në qëndrat spitalore është 12.369 ndërkohë që vetëm në qëndrën spitalore universitare numri i punonjësve arrin në 2980.
Numrin më të vogël të punonjësve në spitalet rajonale e ka Malësia e Madhe me 17 punonjës. Në total buxheti për këta punonjës duke përfshirë edhe paketat e shërbimeve kap vlerën e 16 milionë e 750 mijë lekëve.
Efektet financiare, që rrjedhin nga zbatimi i këtij vendimi, përballohen nga buxheti i miratuar për spitalet, për vitin 2015.
