“Ne kemi izoluar virusin”, kështu tha Ministri i Shëndetësisë italiane, Roberto Speranza në një konferencë për shtyp në Spallanzani.
“Të izolosh virusin do të thotë shumë mundësi për të studiuar, kuptuar dhe verifikuar më mirë se çfarë mund të bëhet për të ndaluar përhapjen,” tha ministri.
Speranza gjithashtu siguron që zbulimi të vihet në dispozicion të të gjithë komunitetit shkencor: është një lajm me rëndësi ndërkombëtare. Ky rezultat do të thotë të kemi shumë më shumë shanse për të kuptuar, për të studiuar, ne jemi shumë krenarë që vendi ynë e ka arritur këtë qëllim.
“Hapësirat janë të hapura për teste të reja diagnostikuese dhe vaksina. Italia bëhet partneri referencë për këtë studim”, tha drejtori shkencor i Institutit Spallanzani Giuseppe Ippolito.
Deri më tani, janë dy raste të zbuluara me coronavirus, që janë dy kinezë që po trajtohen në spital, ndërsa nuk ka rrezik për të prekur të tjerë.
Italia ka shpallur gjendjen e jashtëzakonshme për 6 muaj, pas diagnostikimit të një çifti kinez që rezultuan bartës të viruisit.
g.kosovari
