Vendi është në prag të epidemisë gripale. Në vendin tonë, sipas institutit të shëndetit publik janë të prekura nga infeksionet respiratorë dhe viruset gripale 15 mijë persona.
Simaku: Rreth 15 mijë raste në javë. Në Shqipëri ashtu sikurse në vendet e rajonit qarkullon virusi AH3 që është virus që ka qarkulluar edhe në sezonet e mëparshme.
Eksperti i Institutit të Shëndetit Publik Artan Simaku thotë për Ora News se duhet kujdes më i madh të fëmijëve, të grave shtatzëna, të moshuarve të sëmurëve kronike, imuniteti i të cilëve është më i dobët.
Simaku: Janë fëmijët mbi 6 muaj, personat e moshës së tretë dhe gratë shtatzëna që janë të prekshme nga virusi i gripit dhe duhet të vaksinohen.
Ekspertët e shëndetit thonë se nuk është vonë për të bërë vaksinën antigrip për tu mbrojtur nga një sërë virusesh ndërsa kërkojnë të mos neglizhohen simptoma por të jenë në kontakt me mjekun e familjes./a.m.
