Një nënë me foshnjën e saj kanë shpëtuar mrekullisht pas ndërhyrjes së ekipit mjekësor të spitalit “Koço Gliozheni” në bashkëpunim me mjekët e QSUT-së. Lajmin e bëri të ditur kryeministri Edi Rama në “Facebook”.
Njëri prej mjekëve, i cili ka asistuar në këtë rast, tregon se diagnoza e nënës ka qenë shumë e rrezikshme, por falë punës së bluzave të bardha gjithçka përfundoi me sukses.
Vezir Tena, Obsteter-Gjinekolog te “Koço Gliozheni”: Rasti për të cilin ishte diagnoza, është një nga më të rrezikshme. Hyn në tre apo katër diagnozat që janë me mortalitet shumë të lartë.
Gjithashtu bluzat e bardha tregojnë dhe për shëndetin e foshnjes pas ardhjes në jetë.
Ky ishte një tjetër rast i vështirë, por i suksesshëm sipas Kryeministrit Rama që bluzat e bardha ndeshin gjatë punës së tyre.
/a.r
Ju lumshin duart mjekëve që e kanë operuar dhe janë kujdesur për jetën e nënës dhe të fëmijës së saj.
U bëra kurioze të lexoja për sëmundjen ngaqë në postimin e kryeministrit ky rast quhej një mrekulli për mjekësinë. Në internet shkruhet që është një sëmundje e vështirë dhe e rrezikshme e shtuar shumë vitet e fundit në të gjithë botën sepse u shkaktoka nga lindjet me operacion.
Por ndryshe nga video lajmi nuk është as sëmundje e rrallë dhe as pamundur që të duhet një mrekulli për të shpëtuar jetën. Turp për keta që janë në pushtet që me video reklama bombastike dhe propagandistike të tilla kërkojnë që ndjekësit trushpëlarë të harrojnë bëmat dhe gjëmat që i kanë bërë shërbimit shëndetësor duke detyruar të ikin në emigracion qindra e mijëra mjekë e infermjerë specialistë.