DJ PM ka reaguar pas zërave të shumtë që lidhen me jetën e tij sentimentale, në një kohë kur po aludohet për ndarjen e tij nga Sarah Berisha.
Dyshimet për përfundimin e marrëdhënies u shtuan pasi dyshja nuk ndiqet më në Instagram, një veprim që nxiti pretendimet se lidhja e tyre, e cila zgjati disa vite, mund të ketë marrë fund.
Paralelisht me këto aludime, në rrjetet sociale u përhapën edhe zëra se DJ PM kishte nisur një histori të re dashurie me prezantuesen Almedina Ismajli.
Përmes një postimi në InstaStory, artisti ka zgjedhur t’u përgjigjet publikisht këtyre pretendimeve, duke mohuar se është në një lidhje të re.
DJ PM u bëri thirrje mediave dhe përdoruesve të rrjeteve sociale që të mos publikojnë si të vërteta informacione të paverifikuara për jetën e tij private. Sipas tij, deklarata të tilla mund të cenojnë imazhin dhe reputacionin e tij, ndërsa paralajmëroi ndjekje ligjore nëse spekulimet vijojnë.
Megjithatë, reagimi i këngëtarit lidhet vetëm me pretendimet për një romancë të mundshme me Almedina Ismajlin. Ai nuk ka dhënë një përgjigje të qartë nëse është ndarë apo jo nga Sarah Berisha.
Thashethemet për marrëdhënien e DJ PM vazhdojnë të qarkullojnë në mediat rozë, ndërsa ai ka theksuar se nuk pranon që hamendësimet mbi jetën e tij private të paraqiten si fakte./ TAR
