Report Tv dhe Instituti prestigjioz italian Piepoli, sjellin sondazhin e gjashtë për zgjedhjet politike të 25 prillit.
Ndërsa fushata zgjedhore tashmë po ecën me ritme të larta sondazhi I mbrëmjes së sotme do të përqëndrohet më tepër në projeksionin e votës që do të merrnin palët nëse zgjedhjet do të mbaheshin sot dhe ndarja e mandateve për secilin qark.
Instituti Piepoli do të përllogarisë sërish shpërndarjen e votës në nivel kombëtar dhe në nivel qarqesh nëse zgjedhjet do të mbaheshin sot.
Në këtë sondazh të gjashtë të institutit Piopoli dhe Report Tv është matur opinioni publik edhe sa i përket çështjes së mitingjeve që vihen re nga opozita shqiptare në kuadër te fushatës elektorale, gjë që është bërë edhe një prej temave kryesore të këtyre ditëve.Më shume se gjysma e shqiptarëve, 54% e tyre, e shohin si kërcënim të shëndetit publik atë që po bën Basha ndërkohë që 29% e të pyeturve thonë se të gjitha partitë po i shkelin masat, por ajo që vihet re është një 14 përqindësh, pra 1 në 7 të pyetur, thotë se të fitosh zgjedhjet është më e rëndësishme se të respektosh rregullat./ b.h
