Buka dhe pasta, janë demonizuar aq shumë e janë konsideruar si armiqtë e çdo diete për të humbur në peshë në mbarë botën.
Mirëpo ideja se makaronat do t’ju trashin është mit, dhe e vërteta është e kundërta e kësaj, thonë shkencëtarët.
Përderisa mund të përmbajnë shumë karbohidrate, pastat mund t’ju ndihmojnë të humbni peshë thonë studimet e reja.
Ky fakt qëndron për shkak se pastat janë pjesë e dietës Mediterane, e cila është e pasur me perime dhe me vaj ulliri.
Studimi i realizuar nga shkencëtarët italianë, ka analizuar dietat e 23,000 njerëzve në disa zona të ndryshme të Italisë. Ata u kanë kërkuar pjesëmarrësve që të shënojnë gjithçka që hanë dhe më pas janë pyetur për dietat e tyre.
Studiuesit e kanë zbuluar se nuk kishte lidhje në mes të ngrënit pasta dhe shtimit në peshë, por në fakt, ata kanë zbuluar se të ngrënit pasta ndihmon humbjen në peshë, shkruan Daily Mail, transmeton Klan Kosova./a.k
