Një tjetër investitor rus në kriptomonedha ka gjetur vdekjen në Monako, në një aksident me helikopter.
Daily Mail raporton se multimiliarderi Vyacheslav Taran, 53 vjeç vdiq pasi helikopteri u rrëzua më 25 nëntor pranë qytetit turistik të Villefranche-sur-Mer pasi u ngrit nga Lozana në Zvicër. Lajmi për vdekjen e tij u konfirmua sot.
Aksidenti ajror mbetet mister duke qenë se 53-vjeçari udhëtoi në kushte atmosferike të mira, teksa përpara nisjes nuk u vu re ndonjë problem teknik në helikopterin e tij.
Gjithashtu një pasagjer me të cilin do të udhëtonte miliarderi e anuloi udhëtimin e tij në minutën e fundit, duke shtuar më tej misterin mbi aksidentin me helikopter.
Taran, bashkëthemeluesi i platformës së investimit Libertex dhe Forex Club, po fluturonte nga Lozana me një pilot me përvojë në një helikopter H130 me një motor, kur u rrëzua rreth orës 13:00 më 25 nëntor.
Edhe piloti francez 35 vjeç vdiq në këtë aksident tragjik. Zëvendësprokurori publik i Nisës, i cili ka vizituar vendin e ngjarjes, ka thënë se nuk mund të përjashtohet faji i një personi të tretë.
Një tjetër pasagjer i paidentifikuar duhej të bashkohej me Taran në fluturim, por ata e anuluan minutën e fundit, sipas shtypit lokal.
Taran – një specialist shumë i suksesshëm në det të hapur, i cili ka jetuar në Monako për dhjetë vitet e fundit – ka tre fëmijë me gruan Olga, themeluese e medias Hello Monaco.
Agjencia ukrainase e lajmeve UNIAN pretendoi, pa përmendur prova, se Taran ishte një ‘biznesmen kripto-miliarder me lidhje të mundshme me Shërbimin e Inteligjencës së Jashtme Ruse’.
Ky është rasti i tretë brenda pak javësh që vdesin në mënyrë misterioze investitorët e kriptomonedhave.
Tiantian Kullander, ndërroi jetë në gjumë javën e kaluar, ndërsa Nikolai Mushegian, 29 vjeç, u mbyt në një plazh të Puerto Rikos pasi postoi në Tëitter se kishte frikë se CIA dhe Mossad do ta vrisnin./m.j
