Me 22 dhjetor Donald Trump deklaroi se Jason Miller, një figurë e rëndësisshme e stafit të tij, do të bëhej zëdhënësi i Shtëpisë së Bardhë. Por pas dy ditësh, për Krishtlindje, vetë Miller përmes një deklarate do të hiqte dorë nga posti i rëndësishëm.
“Kam kaluar një javë me familjen time, dicka nuk e bëja që nga marsi i vitit 2015. Kam kuptuar se prioriteti im për sot duhet të jetë familja dhe kujdesi ndaj të dashurve të mi. Sidomos tani që jemi në pritje të lindjes së djalit tim të dytë. Nuk ështrë momenti për të marrë përsipër punën e rëndë të drejtuesit të komunikimit në Shtëpinë e Bardhë.”
Ky veprim i çuditshëm solli jo pak habi mes shumë njerëzve por edhe gazetave në SHBA. Dihej tashmë prej kohësh që vetë Miller po luftonte me çfarë të kishte që të arrinte në atë post. Por një tjetër personazh, mesa duket është arsyeja.
Njëra ndër këshilltaret mediatike të Trump, A.J Delgado. Më 22 dhjetor Delgado do të uronte në twitter Millerin për pozicionin më të rëndësishëm në jetën e tij. Por më pas, twitteri i saj do të intensifikohej në sharje kundër tij, të dhëna këto që sipas medias në SHBA sinjalizojnë se të dy punonjësit e stafit të Trump, kanë qenë të lidhur dhe diçka ka shkuar keq… aq keq saqë Millerit i është dashur që të japë dorëheqjen për të mos u zbuluar.
Por ky është një version i historisë i treguar nga media, e cila spunton e merr nga një tëitter i Delgados, e cila ka kujtuar për rastin e famshëm të demokratit John Edwards… një kandidati për President i cili kishte patur një fëmijë me të dahurën e tij (këtë fakt ai nuk e kishte pranuar, por ishte detyruar ta pranonte disa vite më vonë pas gjetjes së të dhënave “kompromentuese”).
Në twitter, përpara se vetë Jason Miller të publikonte dorëheqjen, Delgado do të shkruante: “Duke pritur njoftimin e Jason Miller… versionin e vitit 2016 të John Edwards”
Ky postim më pas si dhe shumë të tjerë, ku e reja shkruante se Miller duhej ta kishte dhënë dorëheqjen më parë, u fshinë nga profili i Delgados… më pas ajo hoqi dhe të gjithë profilin e saj në Twitter.
Ende ka mister mbi dorëheqjen e Millerit, por lidhja mes të dyve ka qenë kryelajm këtë vit, kur ata të dy kishin vizituar një klub striptize së bashku, përpara debatit të fundit Presidencial mes Trump dhe Clintonit./java/a.k
