Lulzim Basha, kryetari i Bashkisë Tiranë, ka mbi 2 vjet që pothuajse e ka braktisur zyrën e kryebashkiakut, e bashkë me të, mesa duket kanë avulluar edhe shuma të mëdha parash publike që nuk dihet se ku janë shpenzuar. Mirëpo, Basha është përqëndruar tek lufta politike duke qëndruar larg qytetit që drejton.
Ajo që është shqetësuese, është fakti që do të sjellim më poshtë.
Në 29 shtator 2013, Lulzim Basha shkruante në Facebook-un e tij se ka filluar projekti për “Rikualifikimin Urban të Bllokut tek Dogana”, zonë që ndodhet midis rrugës së Durrësit, unazës së madhe të Tiranës, lumit të Lanës dhe komunës së Kasharit.
Sipas projektit, shpenzimi për këtë projekt siç shihet edhe më poshtë, ishte plot 192.585.645 milionë lekë të reja dhe fituar e kishte kompania që shihni në foton e mëposhtme.
Por, ku shkuan këto para?
JavaNews.al sjell pamjet e projektit dhe gjëndjes së rrugës sot, 20 muaj pas fillimit të punimeve nga zona e doganës e poashtu, dekalratën origjinale të Bashës ditën e inagurimit.
Të gjitha para të qytetarëve të Tiranës, janë zhdukur me një të rënë të lapsit, duke mos u zbatuar asnjë pjesë e projektit.
Ajo që duhet të shqetësohemi në këtë rast nuk është lufta politike. Shqetësues është fakti se ku përfunduan paratë tonë, plot 192 milionë lekë të reja
Lulzim Basha nuk duhet të përballet me kundërshtarët e tij politik dhe aty gjithçka të mbyllet, por të dalë përpara qytetarëve të Tiranës dhe të tregojë se pse ky projekt nuk u zbatua kurrë? Ndërkohë që afati i përfundimit të projektit ishte 10 muaj, sot pas 20 muajsh nuk ka asnjë shenjë punimi që nga dita që Basha shkonte të inaguronte fillimin e punimeve.
Ky skandal kërkon përgjigje. Lufta politike nuk duhet asesi të jetë instrument për të shmangur debatin e parave publike.
/F.M