Shqipëria ka shënuar 4 viktima nga koronavirusi. Deri më sot në të gjitha raportimet e situatës, Ministria e Shëndetësisë është shprehur se të gjithë të infektuarit ishin në gjendje mesatare dhe të qëndrueshme.
Por si ndërruan jetë 4 personat?
Mjekët janë shprehur se të gjithë të prekurit nga pandemia e Covid-19 kanë qenë në gjendje të qëndrueshme, por kjo ishte një situarë që ndryshonte brenda pak çastesh.
Sipas tyre, gjendja e të infektuarve ishte e mirë ndërsa brenda disa orëve ata përkeqësoheshin deri sa ndërronin jetë.
“Të gjithë personat që vijnë janë në gjendje të agravuar, por jo deri në atë pipikë sa të intubohen. Ndërkohë, tek Infektivi janë edhe tre persona të tjerë mbi mesataren. Komplikacionet vijnë në pak minuta dhe e vështirësojnë jetën e pacientëve”, bëjnë me dije mjekët.
Numri i prekurve me Covid-19 në vendin tonë ka shkuar në 89, ndërsa numri i viktimave ka shkuar në 4, ndërsa një 61-vjeçar pësoi vdekje klinike. /e.s/
