Neymar nuk ka udhëtuar me pjesën tjetër të ekipit për në Suzhou të Kinës, aty ku PSG do të ndeshet në një miqësore me Sydney FC.
Sulmuesi brazilian ka qëndruar në Shenzhen, aty ku po stërvitet në palestër, së bashku me mbrojtësin Presnel Kimpembe, që është i dëmtuar.
Ishte parashikuar që rikthimi i Neymar të ishte pikërisht në këtë ndeshje, por nuk ndodhi kështu, duke preferuar të mos rrezikojë edhe pse ai është rikthyer i gatshëm për të luajtur, duke e lënë pas shpine dëmtimin e sezonit të kaluar.
Ende nuk dihet një datë fikse për rikthimin e tij, teksa dilema rreth të ardhmes vijon dhe vetë braziliani nuk e di ende se ku do luajë këtë sezon.
