Mund të jetë sekreti i fundit i faraonit-fëmijë Tutankamon, më të njohurit të historisë egjiptiane. Është thuajse e sigurt që janë dy dhoma të fshehura pas murit të varrit të princit të ri në Luxor, ka thënë ministri për veprat e antikitetit në Egjipt, pas disa analizave dhe verifikimeve me radarë të një teknologjie mjaft të lartë. Hipoteza që tashmë është thuajse një fakt i vërtetuar mbështetet te argumenti i arkeologut britanik Nicholas Reeves sipas të cilit në dhomat e fshehta është varri i mbretëreshës Nefertiti, nëna e Tutankamon.
Ndërkohë minsitri egjiptian për objektet e antikitetit Mamdouh al Damati ka një tjetër tezë. Sipas tij bëhet fjalë për një varr të një tjetër gruaje të faraonit Akenaton, babait të Tutankamon.
Studioja me radarin që ka bërë vëzhgimet nën drejtimin e ekspertit japonez Hirokatsu Ëatanabe thotë se “ekzisotn një probabilitet 90 % që të jenë dy dhoma të fshehura pas varrit të Tutankamon”.-shpjegoi ministri egjiptian në konferencë.
Varri i Tutankamon u zbullua në vitin 1922 nga arkeologu britanik Hoëard Carter. Në të u gjetën mbi 5 objekte, shumë prej të cilave objekte ari të fshehura prej 3.300 vitesh.
