Disa ditë më parë mediat ndërkombëtare raportuan për një avion i cili kishte një të çarë të cuditshme në trup dhe që bëri ulje emergjente.
Avioni u ngrit nga një aeroport i Somalisë dhe kishte destinacion Xhibutin.
Pak pas ngritje nga aeroporti avioni u detyrua të bëjë ulje emergjente për shkak të një “vrime’ të madhe.
Autoritetet fillimisht përjashtuan mundësinë e një sulmi terrorist dhe u tha se vrima ishte hapur pas një zjarri që ra në motorrin e avionit.
Në fakt hetimet zbuluan se një person hodhi veten në erë, por me sa duket bomba nuk ishte aq e fortë sa të rrëoznte avionin i cili fatmirësisht bvëri ulje emergjente dhe pasagjerët shpëtuan.
Personi që dyshohet se kishte shpërthyer bombën në aeroplanin e Somalisë, fillimisht kishte dashur të hipë në një aeroplan turk, ka bërë të ditur zyrtari i “Dalo Airlines”.
Sipas AFP, besohet se pasagjeri i cili ka humbur jetën ka qenë sulmuesi vetëvrasës,
“Ishte paraparë që pasagjerët të hipin në aeroplanin e Turkish Airlines”, ka deklaruar zyrtari i agjencisë “Dalo Airlines”, Mohamed Ibrahim Yassin Olad.
Por pasi aeroplani turk nuk ishte shfaqur në pistë, “Dalo Airlines” është dakorduar t’i transportojë pasagjerët deri në Xhibut.
