Në takimin me banorët e Njësisë 7 në Tiranë, Sali Berisha është shprehur se asgjë nuk do t’i ndalë protestuesit që të protestojnë në bulevardin “Dëshmorët e Kombit”.
Gjatë fjalës së tij, Berisha ka thënë se protesta që do të mbahet me datë 6 Dhjetor në Tiranë, “e ka tronditur kryeministrin Rama” pasi sipas Berishës “kjo protestë do t’i tregojë fytyrën e tij të vërtetë para botës dhe Europës”.
Por për qëllime praktike: Le të hapim dyert për familjarët dhe të afërmit tanë që të vijnë në datën 5 në Tiranë dhe të dalin të gjithë bashkarisht në këtë protestë historike që e ka tronditur deri në palcë sepse e di që kjo protestë i tregon fytyrën e tij e para mbarë Europës dhe botës.
E di që kjo protestë do të vëzhgohet dhe do të ndiqet nga 1 mijë gazetarë dhe media të Europës dhe të botës dhe në këtë rast ne do të paraqesim realitetetin e regjimit të tij monist. Ne do të qëndrojmë për vlerat e lirisë dhe me datën 6 do të kemi bekimin dhe simpoatikë e qytetarëve të lirë në Europë dhe në botë dhe të shqiptarëve në 4 anët e trojeve shqiptare”, deklaroi Berisha.
Nderkohe qe mbetet mister fakti nese vete Sali Berisha do te qendroje ne pallatin ku ka banesen e tij ne rrugen “Mustafa Matohiti” ne Tirane, brenda “perimetrit” te sigurise se vendosur nga policia per aigurine e samitit te lidereve te BE me ata te Ballkanit Perendimor dhe te prese njerez per te qene gati per protesten e 6 dhjetorit ne bulevard, apo do te shkoje ne vilen e tij ne Gjirin e Lalzit. Gjasat jane per kete te dyten./m.j
