Disa vende në Botë shquhen për frikën që shkaktojnë në dukjen e tyre apo prej asaj që është treguar për ato. Një ndër to është dhe Kështjella “Bran”në Brasov, Rumani.
Thuhet se autori i romanit “Konti Drakula”, Bran Stoker, e ka bazuar romanin me vampirë në personazhin e princ Vladit të Vllahisë mesjetare, i cili jetoi në kështjellë në shekullin e 15-të.
Stoker është frymëzuar pikërisht nga rrëfenjat për dhunën e princ Vladit. Kështjella shërben akoma si një prej vendeve më të frikshme në botë, por njëkohësisht nga më të vizituarat për famën,bëmat dhe kuriozitetin që ngjall. Ka një histori tepër intriguese për kontin Drakula ose djalli.
Vladi, se bashku me vellane e tij me të ri, Radon, si rezistues dhe kundërshtar i pushtimit otoman, i kishte kaluar disa vjet ne kazatë më të tmerrshme turke.
Aty i jepet rasti që t’i mësoje dhe përvetësojë shumë nga metodat më të ashpra të dënimit, përdorimi i të cilave më vonë kundër armiqve te tij. Atë do ta lartësojnë në fron si sundimtarin më të ashpër dhe gjakatarin më të famshëm.
Ne vitin 1448, pati sukses qe territorin e Vllahisë, krahine kjo qe deri ne atë kohe ishte në protektoratin turk, ta marrë nën kontroll, mirëpo shpejt ky sukses i tij dështoi, dhe ai detyrohet te ike ne Hungari.
Ne këtë shtet, duke qenë i njohur si kundërshtar i flaktë i pushtimeve turke në Evropë, arrin të fitojë besimin dhe mbrojtjen e popullit hungarez.
Fale përkrahjes së miqve hungareze, më 1456, sërish rikthen pushtetin në territorin më parë të humbur, dhe aty sundon deri në vitin 1462.
Gjatë kësaj periudhe të sundimit te tij, Tapeshi ndërtoi kështjellën famëkeqe të quajtur Drakula, ku ushtroheshin tortura nga më të paparat, dhe aty likuidoi mijëra kundershtarë të tij.
Kur në vitin 1462, turqit e pushtuan atë krahinë, ai iku, por, mbreti i atëhershëm rumun, Matja Korvin, nga frika e reputacionit të keq që kishte Tapeshi dhe nën ndikimin e presionit të madh te opinionit, e arrestoi dhe e dënoi me burg.
Pas 12 vjetësh të qëndrimit nën pranga, lirohet nga burgimi dhe arrin sërish ta ripërtërijë titullin e kontit që e kishte më parë si sundimtar i pacenueshëm fuqiplotë.
Por, tashmë, edhe numri i armiqve të tij ishte shumë më i madh.
Ai vritet nga një komplot i organizuar mirë pikërisht nga armiqtë e tij. Por, nuk mbaron çdo gjë me vdekjen e tij.
Në ato vise u thurën shumë mite dhe legjenda për vdekjen dhe pavdeksinë e tij.
Edhe pse ishte i varrosur në afërsi të Bukureshtit, në vendin e quajtur Snagov edhe sot e kësaj ditë, ende qarkullojnë shumë dyshime për vdekjen e vërtetë te tij.
Besohej se ai nuk ka vdekur.
Varri u gjet i zbrazet, sepse menjëherë pas varrimit, sipas legjendës së krijuar, ai ishte ringjallur sërish dhe shëtiste nëpër Rumani, duke u ushqyer me gjak njerëzish.
Sipas këtyre bestytnive, populli paragjykon se prapë një ditë do të kthehet sundimi i tij.
Kjo legjendë frymëzoi Shkrimtarin Bram Stoker për romanin e tij “Drakula”. /ATSH/b.d
