Shqipëria do të jetë vendi i parë në Ballkan, i cili dërgon trupa të Njësisë Ushtarake Policore në misionin trilateral MFO (Multinational Force and Observers), i cili sheh angazhimin e SHBA-ve, Izraelit dhe Egjiptit, si edhe të shumë partnerëve të tjerë ndërkombëtarë.
I gjithë misioni, ka për detyrë mbështetjen e implementimit të kodeve të sigurisë sa i takon traktatit të paqes mes Egjiptit dhe Izraelit.
Pra, ky mision monitorimi, parasheh angazhimin shqiptar si garantues për zbatimin e marrëveshjeve dhe mos-shkeljen e tyre në asnjë formë.
I pranishëm në nisjen e dërgimit të misionit ka qenë edhe shefi i Shtabit të Përgjithshëm të Forcave të Armatosura, Arben Kingji.
Pjesëmarrjen shqiptare në këtë mision e kanë përshëndetur edhe diplomatët amerikanë, përmes faqes zyrtare të Ambasadës Amerikane në Shqipëri, ku kanë uruar vijim të mbarë të detyrës dhe kanë vënë theksin te fakti se Shqipëria është i pari vend ballkanik pjesëmarrës në një format të tillë.
Më herët, Shqipëria ka pritur edhe stërvitjen më të madhe ushtarake në Ballkan, Defender Europe 2023, pas suksesit të të njëjtit mision në vitin 2021.
Sipas Kingjit, angazhimi i tillë është dëshmi e prekshme e aftësisë sonë për të punuar së bashku kundër kërcënimeve të mundshme dhe dëshmi e fuqisë së bashkëpunimit mes vendeve tona.
Stërvitja në thelb për të është edhe një mesazh për kundërshtarët tanë të mundshëm “që ne jemi të përgatitur dhe të bashkuar për të përballuar sfidat e përbashkëta”.
Kjo ishte stërvitja e parë e madhe nën komandën e ushtrisë së re të kombinuar të SHBA-ve në Evropë dhe Afrikë dhe u fokusua në demonstrimin e aftësisë së komandës për të shërbyer si komandë e komponentit tokësor të forcave të kombinuara/përbashkëta për operacione luftarake në shkallë të gjerë në tokë nëpër teatro të shumtë./Albaniapost
1/2 Congratulations to Albania for deploying its Military Police Unit to the Multinational Force and Observers (MFO). This deployment marks the first time a Balkan country has contributed forces to this mission. pic.twitter.com/zimR6zMi1I
— USEmbassyTirana (@USEmbassyTirana) June 29, 2023
