Tashmë u deklarua zyrtarisht nga OBSH se mishi i kuq dhe ai i përpunuar (sallamrat, proshuta, pançeta etj) janë kancerogjene. Madje këto të fundit u futën në grupin e parë të substancave kancerogjene. Pra, aty ku ndodhen duhani, amianti, etanoli etj. Por a është vërtetë mishi i kuq dhe proshuta po aq e rrezikshme sa një cigare?
Në fakt risku është krejt i ndryshëm nëse ha një biftek, krahasuar me pirjen e një cigareje. Sipas vlerësimeve të Global Burden of Disease Project, sot në botë rreth 34 mijë të vdekur në vit shkaktohen nga përdorimi i mishit të përpunuar, 50 mijë nga përdorimi i mishit të kuq, ndërkohë që të vdekurit nga duhani shkojnë në një milion veta. Gjithashtu, 600 mijë njerëz në vit vdesin nga kanceri i shkaktuar nga alkoli dhe 200 mijë nga tumoret e shkaktuara nga ndotja klimatike.
Pra siç shihet, rreziku i përdorimit mishit dhe sallamit apo proshutës është mjaft më i vogël se ai i duhanit apo alkolit. Gjithsesi paralajmërimi është dhënë edhe për amatorët e mishit dhe sallamit. Ruajuni!
