Në një kohë që televotimi është hapur në natën finale të Eurovizion, tabloidi anglez Daily Mirror i ka kushtuar një artikull të shkurtër performancës së sotme të Elhaida Danit. Sipas Mirror, pas vitesh këngë jo entuziaste, më në fund Shqipëria ka të drejtë të krenohet me përfaqësimin e këtij viti.
Siç shkruan Mirror, edhe pse teksti nuk është më i miri i mundshëm, apo ndoshta edhe muzika, vokali i Elhaidës dhe emocioni që ajo transmeton tek publiku e bëjnë këngën dhe performancën me të vërtetë të jashtëzakonshme.
“Elhaida Dani është këtë vit ndoshta vokali më i mirë që ka Eurovozion. Megjithatë mbetet për t’u parë nëse Dani do të arrijë të fitojë zemrat e të gjithë publikut evropian gjatë votimit. Mirëse erdhe në Eurovizion Shqipëri, më në fund po përfaqësohesh denjësisht.” Shkruan Mirror
