Kryeministri Edi Rama e ka nisur ditën e sotme duke publikuar në profilin e tij në ‘Facebook’, një foto të një infermiereje në Tiranë.
Ai ka shkruar se falë taksës së aplikuar nga qeveria e tij dhe rritjes së pagës, sot infermierja merr më shumë lekë se disa vite më parë.
Por, Rama nuk ka kursyer edhe ironitë me komentuesit, ku njëri prej tyre i ka shkruar atij: Mirëmëngjes kokosh, ndërsa përgjigja kryeministrit është po aq me humor.
Postimi i Ramës
MIRËMËNGJES
dhe ju uroj një ditë të mbarë me këtë imazh të përkushtimit 31 vjeçar të kësaj infermiere në një nga qendrat shëndetësore të Tiranës
Sot, Majlinda Beluli, falë taksës së ndershme vendosur më 2014 dhe rritjes së pagës këtë vit, merr çdo muaj 100,026 lekë më shumë se në 2013, ose 1,200,312 lekë më shumë në vit.
Shumë është bërë për shërbimet shëndetësore, spitalet, personelin mjekësor. Por ende më shumë mbetet për t’u bërë në rrugën e vështirë të rilindjes së shëndetësisë. Por edhe shumë ka për të humbur nëse ndalemi sot.
Prandaj përpara për Shqipërinë që duam
/b.d
