Kryeminsitri i vendit Edi Rama është i ftuar mbëmjen e sotme tek emisioni i Eni Vasilit “Studio e Hapur”. Në këtë javë të nxehtë politike Rama do të flasë për: Dosjen e Tahirit, patentat e Tahirit, raportin e tij me mediat, projektin “Shqipëria 1 miliard euro” si dhe do të pyetet për akuzat e opozitës ndaj buxhetit, etj.
Në nisje të bisedës me Eni Vasilin, Rama nisi të flasë me marrëdhëniet me mediat.
Rama tha se nuk ka lidhje me asnjë strategji për të denigruar gazetarët, por ashtu si të gjithë edhe kryeministri ka të drejtën të thotë opinionin e vet.
“Mediat janë sot po aq të pabesueshme sa gjykatat. Ka edhe raste ku media bën punën e saj, po në shumicën e rasteve është një kazan i madh që duhet hedhur. Në bazë të anketimeve shkencorë të publikut rezulton se mediat janë po aq të pabesueshme sa gjykatat. Kam të dhëna për këtë. Ka vetëm një bumerang që i trembëm”, tha Rama
“Ka vetëm një bumerang që unë i tremben janë vetëm veprimet e mia në punën që unë bëj. Bumerangu nga veprimeve të gabuara janë e vetmja gjë që mua më shqetëson.”, tha kryeministri
Kryeministri deklaroi se nuk e ka sulmuar top-channel.
“Nuk e kam sulmuar top-channel. Vetëm kam ekspozuar një fakt të asaj dite me një shprehje keqardhje. Nuk i ndaj mediat në mbështetës dhe kundërshtar. Ishte një moment kur u fol për lirinë e medias dhe u gjenda përpara një prove konkretë për të ndarë me publikun keqardhjen time. Nuk i kam sulmuar kurrë medias as gazetarët“, tha Rama
Gazetarja: Ka lidhje qëndrimi yt me largimin e Ballës?
“Këto janë teorite e konspiracionit që prodhojnë argumente për kazanin” deklaroi Rama
Pasi foli gjatë për marrëdhëniet e tij me mediat, të cilat se fundmi i krahasoi të besueshme aq sa gjykatat në Shqipëri, kryeministri Edi Rama nuk i kurseu disa të vërteta për veshjen e tij.
Ai tha se është vetvetja kur vesh poture, apo shallvare siç i quajti, ndërsa u shpreh i sigurt se e njeh shumë mirë protokollin dhe etikën e veshjes. “Unë e di mirë çfarë bëj”,- iu drejtua ai gazetares Eni Vasili.
I pa shqetësuar për atë që shkruhet në lidhje me veshjen, kryeministri tregoi se ishte frymëzuar nga kostumet popullore të myzeqarëve.
“Po të vishej Saliu kështu edhe unë do thosha çfarë pati”,– tha kryeministri për të treguar se gjithçka vesh është mëse normale.
Kryeminstri Edi Rama ka folur i ftuar në ‘Studio E Hapur’ me Eni Vasilin në ‘News 24″ ka folur edhe për sulmin që bëri për ‘Le Iene’ emisionin që publikoi reportazhin për fëmijët në Bulqizë.
”Për reportazhin e “Le Iene” kam bërë gabim dhe e pranoj. U nisa të gjykoj nga feedbacku që pata në facebook, pasi nuk e kisha para reportazhin në fjalë. Unë nuk shoh mediat këtu, jo më ata. Unë pa e parë fola me një paragjykim dhe kam bërë gabim, pa dashje për rastin në fjalë,” tha Rama
a.ç
