Trajneri i njohur shqiptar, Mirel Josa, ka arritur një marrëveshje bashkëpunimi me klubin e futbollit Prishtina.
Josa, që suksesin më të madh në karrierë e pati me Skënderbeun, do të jetë drejtor sportiv i klubit kryeqytetas.
Ai ka nënshkruar kontratë njëvjeçare me mundësi vazhdimi edhe për një tjetër.
Ish-mesfushori i Tiranës, si trajner ka të fituar rekord pesë tituj kampioni; me Tiranën njëherë (2003/04) dhe me Skënderbeun katër herë rresht (2012/13, 2013/14, 2014/15 dhe 2015/16).
Me Skënderbeun ka luajtur në UEFA Evropa Ligë në grupe në edicionin 2015/16, përgatiti Koha. (b.an)
